Rajeshwari Chandratre's Blog

माझे आजोबा मागच्या वर्षी आम्हाला सोडून गेले. आज त्यांचा वाढदिवस.  मला काल आलेला एक  लहान, पण  खास  अनुभव आजोबांच्या वाढदिवसानिमित्त शेअर करावासा वाटला. मी एरवी प्रयत्न करते की काही विशेष प्रसंग आणि आठवणी जास्ती न काढलेल्याच बऱ्या. विशेषतः माझ्या आजोबांच्या निगडीत. त्यांच्या आवडीच्या गोष्टी असो वा त्यांच्या बरोबर घालवलेले काही क्षण असो, जरी ते व्हिडिओ कॉल वरचे का असेना.. ते प्रसंग आठवून त्यांच्या आठवणी उजळ होतात आणि मग मला भरून येतं. त्यापेक्षा त्या आठवणी मनात कुठेतरी लपवून ठेवलेल्या बऱ्या. मागच्या काही दिवसांपासून मनात होते की आजोबांचा १५ नोव्हेंबर ला वाढदिवस. ते किती उत्सुक असंत, आणि त्यांना किती आनंद होत असे त्यांचा वाढदिवस साजरा करायला. त्यांना कोणी फोन करून wish केल तरी किती खुश व्हायचे. त्यांची आठवण येत नाही असे होत नाही पण जसा हा आठवडा जवळ आला तशी त्यांच्या (असून नसलेल्या) birthday ची जाणीव ही अजूनच प्रबळ होत गेली.. कालही बालदिनानिमत्त असं मनात आलं, की खरतर त्यांचा वाढदिवस कालच असायला हवा होता, बालदिनाच्या दिवशी. कारण त्यांच्या एव्हढी लहान मुलांचे लाड करणारी व्...