Happy Birthday, Ajoba! 💖

माझे आजोबा मागच्या वर्षी आम्हाला सोडून गेले. आज त्यांचा वाढदिवस. मला काल आलेला एक लहान, पण खास अनुभव आजोबांच्या वाढदिवसानिमित्त शेअर करावासा वाटला.

मी एरवी प्रयत्न करते की काही विशेष प्रसंग आणि आठवणी जास्ती न काढलेल्याच बऱ्या. विशेषतः माझ्या आजोबांच्या निगडीत. त्यांच्या आवडीच्या गोष्टी असो वा त्यांच्या बरोबर घालवलेले काही क्षण असो, जरी ते व्हिडिओ कॉल वरचे का असेना.. ते प्रसंग आठवून त्यांच्या आठवणी उजळ होतात आणि मग मला भरून येतं. त्यापेक्षा त्या आठवणी मनात कुठेतरी लपवून ठेवलेल्या बऱ्या.

मागच्या काही दिवसांपासून मनात होते की आजोबांचा १५ नोव्हेंबर ला वाढदिवस. ते किती उत्सुक असंत, आणि त्यांना किती आनंद होत असे त्यांचा वाढदिवस साजरा करायला. त्यांना कोणी फोन करून wish केल तरी किती खुश व्हायचे. त्यांची आठवण येत नाही असे होत नाही पण जसा हा आठवडा जवळ आला तशी त्यांच्या (असून नसलेल्या) birthday ची जाणीव ही अजूनच प्रबळ होत गेली..

कालही बालदिनानिमत्त असं मनात आलं, की खरतर त्यांचा वाढदिवस कालच असायला हवा होता, बालदिनाच्या दिवशी. कारण त्यांच्या एव्हढी लहान मुलांचे लाड करणारी व्यक्ती मी तरी अजून पहिली नाही. दुपारनंतर कामाच्या गडबडीत कधी रात्र झाली हे कळलं नाही, आणि आता उद्या आजोबांचा वाढदिवस आहे हे ही निघून गेलं मनातून. 

रात्री उशिरापर्यंत जागी होतेच पण का कोणास ठाउक, मनात असा काही विचार नाही आला खरतर त्यांच्याबद्दल. १२ वाजून गेले होते, १२:३० पण होऊन गेले असतील, झोपायच्या तयारीत असताना सवयीप्रमाणे फोन वर Instagram उघडलं गेलं आणि reels स्क्रोल करत बसले होते.. काही वेळ तसाच गेला आणि एक रील पाहिलं गेलं.. त्यात होती एक चाल. १-१.५ सेकंदांननी लक्षात आलं की हे तर आशीकी ह्या चित्रपटातलं आजोबांना आवडणारं गाणं आहे - 'तुम ही हो' !

मागच्या काही महिन्यांपासून (आजोबा गेल्यानंतर) माझी हिंमतच झाली नव्हती ते गाणं ऐकायची. ते गाणं कुठे ऐकलं की रडूच यायचं मला. ह्याचं कारण म्हणजे ते मला नेहमी हेच गाणं लावायला सांगायचे अलेक्सा किंवा मोबाईल वर त्यांच्याशी मी जेव्हा जेव्हा बोलायचे तेव्हा. हे गाणं मी त्यांना रिपीट वर इतक्या वेळा ऐकवत असे की शेवटी आजी कंटाळून जाऊन त्यांना ओरडत असे. त्यामुळे ह्या गाण्या विषयी मला स्पेशल attachment तयार झालीय. ह्याच कारणाने मी हे गाणं स्वतःहून कधी नीट ऐकलंच नाही ते गेल्यावर. बरेच महिने होऊन गेले, मला ते गाणं फोनवरही दिसल नाही, आणि कुठे ऐकू ही नाही आलं.

अचानक काल त्या reel वरून गाणं दिसलं/ऐकू आलं आणि काही क्षणात realize झालं, अरे आता तर आजोबांचा Birthday लागून गेला! आणि बरोबर आजच मला हे गाणं कसकाय इतक्या दिवसांनी ऐकायला मिळालं? त्यांनी मला आठवण तर करून नाही ना दिली, की आज माझा वाढदिवस आहे म्हणून? की ते मला म्हणत होते दुरून, की मनू, मला माझं गाणं ऐकायचं आहे, आतातरी ऐकू दे... अंगावर एकदम शहारा आला आणि डोळ्यांत पाणी. मनातल्या मनात त्यांना लगेच wish केलं - Happy Birthday आजोबा! Many happy returns of the day!

आणि कित्येक महिन्यांनी मी त्या reel च्या निमित्ताने गाण्याची चाल ऐकली आणि बोलही पाहिले...

"तेरा-मेरा रिश्ता है कैसा ?

एक पल दूर गवारा नहीं

तेरे लिए हर रोज़ हैं जीते

तुझको दिया मेरा वक़्त सभी

कोई लम्हा मेरा ना हो तेरे बिना

हर साँस पे नाम तेरा

क्योंकि तुम ही हो, अब तुम ही हो

ज़िंदगी अब तुम ही हो"

तेव्हा मला जाणवलं की अरे हे तर आजोबांचेच feelings असतील आमच्या सर्वांसाठी... 'तेरे लिए हर रोज़ हैं जीते, तुझको दिया मेरा वक़्त सभी..'  सतत आपल्या मुली आणि नातवंडांचे लाड करणारे, त्यांच्यासाठी झटणारे, सारखे त्यांची आठवण काढणारे आजोबा - त्यांनाच हे बोल suit होतात. म्हणूनच त्यांना हे गाणं इतकं आवडत असेल का??

असो. एखादा छोटासा प्रसंग आपल्याला किती जास्त touch करतो ह्याचे हे एक छोटंसं उदाहरण. ते कितीही दूर गेले असले, तरी त्यांच्या आठवणी, त्यांच्या बरोबरचे ते क्षण हे अनमोल आणि अजूनही ताजे आहेत. ह्या पुढे मी ठरवलंय, त्यांची खूप आठवण आली किंवा त्यांचा वाढदिवस असला, की हे गाणं नक्की ऐकायचं. 

Dear Ajoba, I don't know if this was a mere coincidence or subtle sign from the universe to make me feel your presence. Whatever it was, I wish I could narrate this precious experience to you today. It proved how special you're for me, today, and forever. Anyway, until we meet again.

Till then, keep smiling as you always do. And of course, enjoy your birthday!

Happy Birthday Ajoba! 

Have as many sweets today as you can, we won't stop you! 

🎉 🎂 🍰 🍫 🍭 🍬 🍨🍦🎈 🎊

Yours,

Manu ❤️

One of Ajoba's birthdays, he was so happy and always smiling!

With my grandpa and grandma, after dinner one evening in Pune (probably the occasion was their wedding anniversary)

Earliest memory with my Grandpa 

My cousin and I posing with Ajoba

My last meet with him at Nashik